هەواڵ

دزێت 40 ملیۆن دۆلارا ژ هه‌رێمێ به‌ره‌ڤ توركیا كێنه‌؟

Friday, 03.10.2023, 10:56 PM


ڕۆژ ب رؤژێ پێلێن ئه‌شكه‌ربوونا دزی و تاوان و گه‌نده‌لیێت حكومه‌تا بن ده‌ستهه‌لاتا بنه‌ماڵا بارزانی زێده‌تر ڕویێ خوه‌ یێ راسته‌قینه‌ دداننه‌ به‌ر چاڤێ رایا گشتی. ئه‌ڤرۆ ل كه‌نالێ NRT مژارا ئاشكه‌را بوونا دزیه‌كا مه‌زن یا هنارتنا 40 ملیۆن دۆلاران بۆ به‌ره‌ڤ توركیا دهێته‌ ڤه‌كرن، كو ب مه‌ره‌ما سپی كرنا سه‌رمایا وه‌ڵاتی ژلاێ فه‌رمانده‌كێ بلند یێ سه‌ربازی و سیاسی هه‌وڵا ده‌ربازكرنا وی گوژمێ مه‌زنێ پارا ژ گومركا ئیبراهیم خه‌لیل هاتیه‌ دان، ژلاێ كه‌نالا ناڤبری بێ كو ئاماژه‌ ب ناڤێ ڤی فه‌رمانده‌ی بهێته‌ دان دده‌ته‌ دیاركرن كو زانیاری گهه‌شتینه‌ ده‌وله‌تا عراقێ و ڕێگری ل ده‌ربازبوونا وی گوژمێ مه‌زنێ پارا به‌ره‌ڤ توركیا هاتیه‌ كرن.

یا ڕاست ئه‌ڤ فه‌رماندێ سیاسی و له‌شكه‌ری كو هه‌وڵا ده‌ركرنا 40 ملیۆن دۆلاران به‌ره‌ڤ توركیا دای سیروان بارزانی بڕازاێ مه‌سعود بارزانیه‌، لگۆری زانیاریێن هه‌یین ئه‌و ئۆتۆمبێلا هه‌لگرێ ڤی گوژمێ پاره‌ی ژی ئۆتۆمبێله‌كا حكومیه‌ و شۆفێری وێ ژی كه‌سه‌كه‌ بناڤێ "فه‌رسه‌ت عه‌لی" كو بێ بشكنین ب هه‌ڤده‌ستیا "حه‌مید عه‌لی" ڕێڤه‌به‌رێ گومركا ئیبراهیم خه‌لیل هه‌وڵ داینه‌ ڤی گوژمێ مه‌زن یێ پارا بڕه‌نگه‌كێ قه‌چاغی ژ وه‌ڵاتی به‌ر ب توركیا ڤه‌گۆهێزن.
 فه‌رسه‌ت عه‌لی و حه‌مید عه‌لی دگه‌ل هنده‌ك كارمه‌ندێن دی یێن گومركێ ژلاێ حكومه‌تا عراقێ دهێنه‌ ده‌سته‌سه‌ركرن و پشتی سێ ڕۆژا دهێنه‌ به‌ردان.  به‌رپرسێن بالایێن پارتی ب هه‌رچی ڕێیه‌كا هه‌بیت به‌رده‌وام د هه‌وڵا  ڤه‌گوهاستنا پاره‌ و سه‌رمایێت مه‌زن ژ هه‌رێما كوردستانێ به‌ره‌ڤ توركیا نه‌، لێ ڤێ جارێ ب ڕه‌نگه‌كێ نشكاڤ هاته‌ ئه‌شكه‌ره‌كرن، ب ڤی شێوازێ كو ده‌رگه‌هێت سنۆری و ڕێڤه‌به‌ریێت له‌شكه‌ری و سیاسی و هه‌می ده‌ستهه‌لات دده‌ستێ كۆمه‌كا كه‌سایه‌تێت ب ڤی ڕه‌نگی دز و گه‌نده‌ل دابیت ئه‌رێ چ گه‌ره‌نتی بۆ هه‌ر سه‌رمایه‌ و بها و نرخه‌كێ ڤی گه‌لی و ڤی وه‌ڵاتی هه‌یه‌ دده‌ستێ واندا؟ یان ئه‌رێ چه‌ند جارێت دی بێ كو كه‌س ئاگه‌هدار بیت ب ملیاران دۆلار سه‌رمایا ڤی وه‌ڵاتی هاتینه‌ گوهه‌ستن بۆ ده‌رڤه‌ی وه‌ڵاتی؟!
ئه‌رێ كانێ یاسا؟


ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس






وێنە

حالی مسعود بارزانی و ئەولادەکانی بەدەست دادگای فیدرالیەوە
خۆنەچەمێنن
مسعود بارزانی دوای سەرنەکەوتنی لە رواندنی ددانی دەستکرد
براوەی کۆنگرەی چواردە
ململانێی نێوان بنەماڵەی بارزانی

راپرسی

ئایا مەسرور بارزانی لەسەر سكاڵاكەی دادگای واشنتۆن دەیدۆڕێنێت؟