شنگال د ساڵ ڤەگەرا شەشێ دا

Saturday, 08.01.2020, 08:41 PM

شنگال قەزایەکە سەرب پارێزگەها میسل ڤە، جهنشینا گەلێ ئێزدی یە، چەند ئول و نەتەوێن دی بخوەڤە دگریت، قەزایەکا ستراتیجی و گرنگە تخویبێ دوو وەڵاتان پێکڤە گرێددەت کو ئەو ژی عیراق و سوریایە، شنگال پشتی نەمانا رژێما بەعس دهێتە بن حوکومرانیا هەرێما کوردستانێ،

بەری شەش ساڵان دەمێ هاتنا داعش، پارتی د پیلانەکا مژاوی دا ئەڤێ قەزایێ رادەستی درندەترین رێکخڕاوا تیڕۆرستی دکەت کو ئەو ژی خیلافەتا دەولەتا عیراق و شامە ئەوا ناڤدار ب تیرۆرستێن داعش ،

دەمێ تیڕۆرستێن داعش ژ سنورێ سوریا هێرشا خوە ئینایە سەر خاکا عیراقێ دەسپێکێ پارێزگەها مویسل و قەزایا تەلەحفر بخوەڤە گرتن،

پشتی بورینا دوو هەیڤان ژ کەفتنا مویسل و تەلەحفر، شنگال ب دارشتنا پیلانەکێ ژ لایێ سەرانێن پارتی و پێشمەرگەهێن وێ ڤە هاتە ڕادەستکرن بێی کو خوین ژ تبلا ئێکی ژ ئەندامێن هێزێن پێشمەرگەهێن ڤێ حزبێ بهێت،

لڕێکەفتی(٢٠١٤/٨/٣) نیڤا شەڤێ پارتی بارەگەهێن خوە یێن لەشکەری ئەوێن هاتین دا بەرگیریێ ژ دەڤەرێ بکەن، ب پیلان، چەپەرێن بەرگیریێ چولکرن، هەژی خویاکرنێ یە کو هێزێن وان یێن لەشکەری پتری (١٢)هزار پێشمەرکەهان بۆن ئەڤ هێزا زەبەلاح بۆ چەپەرێن بەرگریێ دژی خیلافەتا داعش هاتبونە دەڤەرێ دهزارا کەسێ دا نەبو کو ئەڤ چەپەرە بڤی شێوازی بهێنە چولکرن،

گوندێن سنورێ تەلەحفر ئەوێن پێشیا شنگالێ کوچو حاتمیە بێی شەر هاتنە گرتن لێ گوندێ گرزەرکێ و سیپا شێخ خدر و تلعزێر شەر لێ هاتەکرن و ئامادەنەبۆن خوە رادەستی تیڕۆرستێن داعش بکەن،

پێشمەرگەهێن پارتی ل شوینا بچنە چەپەرێ بەرگیریێ رابون بگرتنا هەمی رێکا دا پیلانا فرۆتنا شنگالێ بسەرکەفتیانە سەربگریت،

جهێ داخێ یە حەتا ڤی دەمی پارتی ئاستەنگان درۆست دکەت دا کو ئەڤ کارەساتە نەهێتە هەژمارتن وەکە جینوسایدەکا باوەرپێکری ژ رویێ یاسایی و نیڤ دەولەتی ڤە، چونکە دێ توهمەتبارا سەرەکی ژ هەبونا ڤێ کارەساتێ ئەڤ هێزە دێ دەرکەڤیت،

پەژارەکا گرانە ژ رادەستکرنا شنگاری حەتا ئەڤروکە پارتی دەستێن خوە ژ پیلانگێریێن ڤێ دەڤەرێ بەرنادەت، چەندین جاران ب بەهانەیێن جوراوجور ب بالەفرێن تورکیا شنگال توپ باران کریە، حەتا نوکە ئەڤ باژێرە کاڤل هێلایە ئامادەنینن دەرفەتا ئاکنجبونێ لێ پەیدا بکەن دا کو ئاڤەدانی لێ بهێتە ئەنجامدان و هاوڵاتیێن دەڤەرێ بزڤرنە سەر ماڵ و مولک و وارێن خوە

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

کوڤان ئەمین عەبدولکەریم