هەواڵ

سێ رێكخه‌رێن زیندانكری!

Monday, 08.24.2020, 11:57 AM

پشتی ره‌ڤاندنا هه‌ردوو چالاكڤان به‌ده‌ل به‌رواری و ئومێد به‌روشكی، ژئالیێ ملیشیاتێن پارتی، دوهی رێكخه‌رێ سێ یێ "دلشاد گوهه‌رزی" ژی ده‌سته‌سه‌ركریه‌.

* پشتی كومه‌كا چالاكڤانا ل 21 ڤێ مه‌هێ په‌یامه‌ك ئاراسته‌ی رێڤه‌به‌ریا خوجها پارێزگه‌ها دهوكێ كری كۆ دماوێ 24 ده‌مژمێرادا هه‌كه‌ هه‌ر ئێك ژ به‌ده‌ل به‌رواری و ئومێد به‌روشكی ئاڤاد نه‌كه‌ن دێ مه‌زنترین خونیشاندان ل به‌هدینان هێته‌ كرن، ئاسایشا پارتی دوهی گازی هه‌ر 7 رێكخه‌رێن خونیشاندانێ كرینه‌ ب هێجه‌تا به‌رسڤدان بو به‌انناما وان، لێ 5 ژوان چالاكڤانان ل ده‌مژمێر 11 دوهی هه‌تا 7 مه‌غره‌ب ل ژێر گڤاشتن و ڤه‌كولینا ئه‌منی هێلاینه‌ و به‌لێننامه‌ ب وان پڕ ڤه‌كرینه‌ كو نابیت خونیشاندان و خرڤه‌بوون ب چ شێوه‌یه‌كی ل دهوكێ بهێنه‌ ئه‌نجامدان.

* دئه‌نجامدا تنێ گه‌ف ل دلشاد گوهه‌رزی كرینه‌ كو دڤێت ئه‌و ژی به‌اننامێ ئیمزا بكه‌ت، لێ ماموستا دلشادی ره‌تكردیه‌ كۆ ئیمزا بكه‌ت له‌و ملیشیاتێن پارتی دلشاد ژی ده‌سته‌سه‌ركرییه‌ وباده‌كا یاسایی بو چێكرییه‌ و بریه‌ ده‌ف به‌ده‌ل به‌رواری و ئومێد به‌روشكی.

* نها هه‌ر سێ رێكخه‌رێن خوه‌نیشاندانێن موچه‌خۆران دزیندانێ ڤه‌نه‌ (به‌ده‌ل به‌رواری + ئومێد به‌روشكی + دلشاد گوهه‌رزی) و تا نها ده‌ستاوده‌ستێ ب تورا پارێزه‌رێن خوبه‌خش دكه‌ن بو هه‌ولا ئازادكرنا وان، و گرتنا وان ژی چو ره‌هه‌ندێن یاسایی نینه‌ به‌لكی مه‌ره‌مێن سیاسی ل پشتن.

* كومه‌كا خونیشانده‌رێن زاخۆ و روژێن پاشتر ژی هه‌تا نها نه‌هاتینه‌ ئازاد كرن وملیشیاتێن پارتی دبه‌رده‌وامن دگرتن و بنچاڤكرنا چالاكڤانان.

* شه‌ش په‌رله‌مانتارێن كوردستانێ ل عراقێ به‌یاننامه‌ك دایه‌ جهێن بلندێن پیه‌وه‌ندیدار ل سه‌ر ره‌وشا گرتیان و به‌رته‌سككرنا ئازادی و گڤاشتنێن هێزێن ئه‌منی.

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

تەڤدا پرێس