چاڤه‌ڕێ ناهێته‌كرن قوباد تاله‌بانی دیسا ڤه‌گه‌ڕیته‌ ئه‌نجۆمه‌نا وه‌زیران

ئه‌ڤ ئالۆزیه‌ كارتێكرنا گه‌له‌ك خراب لسه‌ر چاره‌نڤیسێ هه‌رێمێ دروست دكه‌ن!

ژلاێ پێگه‌هین حكومڕانیێن هه‌رێمی ب گشتی بێ پویته‌دان بووه‌ و حزبێ جهێ هه‌می پێگه‌هێن حكومرانیێ گرتیه‌، ژلایه‌كێ دی ئه‌و كێمه‌ دیموكراسیه‌تا هه‌یی ژی به‌ره‌به‌ره‌ ئاسه‌وارێت وێ ژی نه‌ماینه‌ و بگشتی یێ ژناڤ دچیت.

لگۆری زانیاریێن نوی و مه‌رج و پیدڤیێن هلبژاردنان، زۆڕ زه‌حمه‌ته‌ هلبژاردن ل دوماهیا ڤێ ساڵێ بهینه‌ كرن، ل ده‌مه‌كێ كو ئه‌ڤه‌ دووه‌م جاره‌ سه‌رۆكێ هه‌ریمێ دده‌ته‌ دیاركرن!
د هه‌مانده‌مدا ناهێته‌ زانین 05-3 ئانكۆ پشتی 15 ڕۆژێن دی دادگه‌ها فیدرالی د بارا درێژكرنا ماوێ په‌ڕله‌مانێ كوردستانێ دێ چ بڕیاره‌كێ ده‌ت، لێ تشتێ دیار دبیت، دادگه‌ها فیدرالی ڕه‌نگه‌ كێمه‌كێ خاترا هه‌رێمێ بگریت ب شێوا بكارئینانا په‌یڤ و ڕسته‌یێن نه‌رم، لێ چ ده‌رفه‌ته‌ك ل به‌رامبه‌ردا نینه‌ ژبلی ره‌دكرنا بڕیارا درێژكرنه‌ڤا ماوه‌ێ په‌ڕله‌مانێ كوردستانێ كو ژلاێ هه‌ر ئێك ژ (پارتی و ئێكه‌تی و گۆران) ده‌نگ بۆ هاتیه‌ دان، هه‌لبه‌ت ژبیر ژی نه‌كه‌ین بڕیارا دادگه‌ها فیدرال ده‌ستهه‌لاتدارێن هه‌رێمێ دئێخته‌ به‌رامبه‌ر دوڕیانه‌كا زۆڕ دژوار. ئه‌ڤه‌ خوه‌ڤه‌دزینێ زۆڕ زه‌حمه‌ت تر لێ دكه‌ت  و دێ كه‌ڤنه‌ به‌رامبه‌ر به‌رپرسیاریه‌كا مه‌زن، ژبۆ كو بڤی ڕه‌نگی قه‌وارا هه‌رێمێ دێ ئێخنه‌ به‌رامبه‌ر ڕه‌وشه‌كا تاڕی.

لگۆری وان دیمه‌نێن دبینین، چاڤه‌ڕێ ناهێته‌ كرن جاره‌كا دی قوباد تاڵه‌بانی ڤه‌گه‌ڕیته ئه‌نجومه‌نا وه‌زیران، دێ ئه‌ڤ ڕه‌وشه‌ به‌رده‌وام بیت هه‌تا هلبژاردنێن داهاتی كو دیار نینه‌ دێ كه‌نگی بیت. چه‌ند ڕۆژه‌كه‌ ل مه‌دیایێن پارتی و ئێكه‌تی ل هه‌مبه‌ر هه‌ڤدوو په‌یڤ و ڕسته‌یێن شه‌ڕێ ناڤخوه‌ بكار دئینن كو ئه‌ڤ چه‌نده‌ ئاماژه‌كا زۆڕ خرابه‌ لسه‌ر په‌یوه‌ندیێن هه‌ردوولا.

سه‌رتیب جه‌وهه‌ر