پەرلەمانی کوردستان  خاوەندی  چەندین ڤیلا و شوقە و خانوی جیاوازە لە شوێنە جیاوازەکانی شاری هەولێر. تەواوی ئەم  فیلا و خانو و شوقانە بە گرێبەستێک فرۆشراوە بە شوان زراری کە دەلالی مەسروور بارزانیە و ئەندامی پەرلەمانی کوردستانە لەسەر لیستی پارتی .لە ٢١ ی ٧ی ٢٠٢١ پێویستە بە گشتی جۆل بکرؽن بۆ شوان زراری. نرخەکان زۆر لە نرخی ڕاستەقینەی خۆی هەرزانتر دیاریکراون.

- ٥ پێنج  فیلای گەورەی کە بەهای هەر ڤلاێک لە ئیستای بازاری کوردستان دەکاتە ١١٠ بۆ ١٢٠ دەفتەر.

- ٥٩ پەنجا ونۆ خانوهەر خانویەك  بە ٤٠ بۆ  ٤٢ دەفتەر دۆلار مەزەندە دەکرێت.

تەواوی خانوو فێلاکان لە گوندی ئیتالی یەکن لەسەر شەقامی  ١٠٠ مەتری، نزیک فرۆکەخانەی هەولێری نێودەولەتی .

- ٥٠  پەنجا  شوقە لە ناز ستی کە بە شوقەکانی زەکریا بەناوبانگن، بە های هەر یەکێکیان لە ئێستادا نزیکەی  ٢١ بۆ ٢٢ دەفتەر دۆلارە.

شوقەکان بە بڕی ١٧ دەفتەر فرۆشراون،  فیلا و خانوەکان  هەمووی بەیەک نرخ  فرۆشراونکە هەر یەکێکیان بە بڕی  ٢١ دەفتەر دیاریکراوە (جگە لە فێلایەك  کە لە رۆژی سەدارنی قوباد و مەسروور بەناوی  ئەدای باشی سەرۆکی پەرلەمان وەکو پاداشت پێشکەش بە رێواس فایەق کراوە و  خستۆتیانەتە سەر ناوی سەرۆکی پەرلەمان).

شوان زراری لە گرێبەستەکەدا  واژوی کردووە  کە جگە لە کڕینی ٤ فێلا و ٥٩ خانو و  ٥٠ پەنجا شوقە،  ١١١ خانوش بە پەرلەمان دەفرۆشێت لە گوندی ئارام ، کە دەکەوێتە سەر رێگای مەسیف.

هەر خانوێک بە ٢٥ دەفتەر دۆلار دەفرۆشێتە پەرلەمان بەڵام پاش بەدواداچونی تەڤدا پرێس نرخی ئیستای هەر خانوێک ناگاتە ٢٠ دەفتەرە دۆلار واتا هەر خانوێک بە بڕی ٥ پێنج  دەفتەر دۆلار زیاتر فرۆشراوە.

شوان زرای ئەم خانوانەی گوندی ئارامی لە کەسێک کڕیوە  بەناوی نەهرۆ مەحموود کە پەرلەمانتاری پارتیە لە بەغداد.

بەشدارانی ئەم کرین و فرۆشتنە ئەم کەسانەی خوارەوەن؛

١- رێواس فایەق، سەرۆکی پەرلەمان

٢-  ئەردەلان محمد سەرۆکی دیوانی پەرلەمانی کوردستان

٣- هیوا نەسرەدین،  جێگری سەرۆكی دیوانی سەرۆكایەتی پەرلەمان  

٤- هیوا زرای، پەرلەمانتاری پارتی لە پەرلەمانی کوردستان  

٥- پارێزەر رێدار حیدەر مەرزانی،  کاروباری یاسایی گرێبەستەکەی  کردووە کە کەسێکی نزیکی مالی کۆسرەت رەسولە.

هەرەوها هاوسەری  سەرۆکی پەرلەمان کە ناوی خلیل عوسمانە دەڵاڵی  گرێبەستەکەی  وەرگرتووە .

بە پێی هەڵسەنگاندن و بەراوردی نرخە ڕاستەقینەکان و نرخە گەندەڵکاریەکان نزیکەی ٢٤ ملیۆن  دۆلار جیاوازی نرخ  لە لەم کرین و فرۆشتنەدا هەیە ، لە بەرژەوندی کڕیارەکاندا.

بەشێکی ئەم  سودە ناڕەوایە  بۆ دەرباز کۆسرەت ڕەسوڵ  دەچؽت  و بەشێکیش بۆ مەسرور بارزانی  .

تەنها زانیاریەك کە بەدەست تەڤدا پرێس نەگەیشتووە،  بری  ئەو دەڵاڵیەیە کە  مؽردی سەرۆکی پەرلەمان، خلیل عوسمان  لێی سودمەند بووە.