له‌ ناوچه‌كانی هه‌ر دوو پارێزگای هه‌ولێر و دهۆك چه‌ندین مانگه‌ ده‌یان كه‌س له‌ مامۆستا و ڕۆژنامه‌نووس و چالاكی مه‌ده‌نی به‌ند كراون.

له‌گه‌ڵ ئه‌وه‌ی تائێستا هیچ هه‌واڵێك له‌ دادگاییه‌كی ئاشكرا و دادوه‌رانه‌ی ئه‌وان له‌ئارادا نییه‌، سه‌رۆكی حكومه‌تی هه‌رێم "بێپه‌روا" و بێ به‌ڵگه‌یه‌كی پشتئه‌ستوور به‌ حوكمی دادگا ئه‌وانی به‌ تاوانبار به‌ كاری "سیخوڕی" و "ته‌قینه‌وه‌" و "تێكده‌رانه‌" ناساند.

بۆ خه‌ڵكی هه‌رێمی كوردستان و عێراق و به‌شێك له‌ ناوچه‌كه‌ش تاوانباركردن له‌ ده‌ره‌وه‌ی دادگاییه‌كی دادوه‌رانه‌ و دانپێدادانی جێگومانیش حاڵه‌تێكی ده‌گمه‌ن و سه‌رسوڕهێن نییه‌