"مانگرتنی زیندانیەکانی بادینان گەیشتە قۆناغێکی مەترسیدار و لە مەرگ نێزیک دەبنەوە و سکاڵا لەسەر حکومەت تۆمار دەکەین"

بۆ/ ڕای گشتی

بۆ/ ھەرسێ سەرۆکایەتی ھەرێم

بۆ/ نوێنەرانی وڵاتان لە ھەولێر و بەغداد و رێکخراوە جیھانیەکان

بۆ/ UN و دەستەی سەربەخۆی مافی مرۆڤ

"داواکاری گشتی وەڵامی بەشی یاسایی چاکسازی نادات بۆ جێبەجێکردنی رێکارەکانی ئازادبوونی زیندانیان"

بەداخەوە رۆژانە ھەواڵی نەخوش کەوتن و لە ھۆشخۆ چون کەسوکارەکانمان پێدەگات و لە مەرگ نێزیک دەبنەوە و لە ئەگەری ھەر حالەتێکی نەخوازراو سکاڵا لە دادگاکانی ھەرێم و بەغداد و نێودەوڵەتیکان لەسەر کابینەی نۆیەمی حکومەتی ھەرێمی کوردستان تۆمار دەکەین چونکە ئەوان رێگرن لە ئازادبونی کەسوکارمان ئەگەر یاسا سەروەربێت دەستبەجێ ئازادەکرێن.

لە ڕۆژی ١٩ی ٧ی ٢٠٢٢ لە ژێر دروشمی ' ئازادی یان مردن ' زیندانیانی بادینان بەشێکی دیکەی سزادراوان لە چاکسازی ھەولێر لە ماگرتنی خواردندان و ڕۆژانە ژمارەیان زیادەبێت و مەترسی جدی لەسەر ژیانیان دروست بووە و بەشێک توشی نەخوشی بوونەو لە ھۆش خۆیان دەچن و لە مەرگ نێزیک دەبنەوە. ئەنجومەنی دادوەری و داوکاری گشتیش وەکو تەماشەڤانێک بێدەنگە لەم یاساشکێنی و رێگێری لە جێبەجێکردنی یاسا بەدەست حزب و دەستەڵاتی جێبەجێکردن.  

لەڕووی یاساییەوە بەپێی بڕیاری کەمکردنەوەی ٪ ٦٠ی سزاکەیان لەلایەن سەرۆکایەتی هەرێمەوە و بە ڕەچاوکردنی ئازادکردنی مەرجدار (الإفراج الشرطي) ماددەی ٣٣١ و ٣٣٢ و بڕگەی ٢ لە یاسای سزادانی عێراقی و یاسای ژمارە 23ی بنەماکانی دادگاییکردنی تاوانەکان پێویستە ئازادبکرێن و سەرباری تەواوکردنی سزاکەیان رێگێری لە ئازادکردنیان دەکرێت

سەرباری پێشتر دوو بڕیاری ئازادبونی مەرجدار زیندانیانی ھەمان ماددە یاساییەکەیان گرتوتەوە، بەڵام تا ئێستا داواکاری گشتی ڕا و بڕیاری خۆی لەسەر دوسیەی زیندسنیانی بادینان نادات و وەڵامی بەشی یاسایی چاکسازی نادات بۆ جێبەجێکردنی رێکارەکانی ئازادبوونی زیندانیان.

ئەم دۆسیەیە پرسێکی گشتیە و ئەرکی ھەموو لایەکە بەجدی بھێتە وەڵام و ھەلوێستیان ھەبێت، ڕای گشتی، میدیا، داواکاری گشتی و دەستەڵاتی دادوەری، لایەنەکان، و یونامی دەستەی مافی مرۆڤ، نوێنەرانی وڵاتان لەھەرێم و رێکخروە جیھانیەک کار بۆ دیمۆکراسی و ماف و ئازادی بکەن، چونکە ئەو چالاکوانانە لەسەر ڕای جیاواز و خۆپیشاندان و خەباتی مەدەنی سزادراون و ئەمەش مەترسیە بۆ سەر پرۆسەی دیمۆکراسی و ئازادی ڕادەربرین.

بێ جگە لەزیندانیانی بادینان دەیان سزادراوی دیکەی شارەکانی دیکەش لە چاکسازی ھەولێر لە مانگرتندان و  چەندین کەسی دیکەش لەسەر بیرۆرای جیاوازی سیاسی  ماوەی ٣ تا ٥ ساڵی بێ دادگاییکردن لە ئاسایشی گشتی حجزکراون و ئەوانیش لە مانگرتندان.

ئەیھان سەعید - رۆژنامەنوس و نوێنەری زیندانیانی بادینان

٥ی ئابی ٢٠٢٢