ب هەمی پیڤەرا جڤاکا کوردی هەژاریا ئەخلاقی لسەر زالە، هەر چ سیفەتەکا کرێت و شەرمزارە ل دەف ڤی بەشەرێ خودێ یا هەی، دگەهیتە هندێ جارا مروڤ دبێژیت  ئینسانەکێ زه‌ڵال و پاقژ ئێدی نەمایە دناڤ مەدا.

ئەگەر تا رادەکی پێدڤی ب شرۆڤه‌كێ ژبۆ ڤێ هەبیت ئه‌و تشته‌ یێ چ لۆژكه‌ك بو نینه‌ ژبلی لۆژیكا سەرشوریا تەخا خامە هلگرێت جڤاكا مه‌، ئه‌و كه‌سێن كو دڤێ گارانا کوردەواریێدا بناڤ دبێژنێ رەوشەنبیر.
ئه‌و كه‌سێت نەهێت خو دهاڤێژنە سەر دەهێت خەلکێ و کتێبکەکێ دوویا دخوینن و هزردکەن بونە عەبقەری و ئه‌ڤجا ژ مێشێ هەتا دگەهیتە خودێ دێ دەتە بەر شالوکا خوه‌یا ژەنگی و رەخنا ژێ ده‌رێخیت!
ئەف رەخنێن دکەت ژی چه‌ندی کو بزانیت چ سزا دیڤڕا ناهێن و کەس ناهێت گوهێ وی بکێشیت، هه‌كه‌ یێ بێ ده‌نگه‌. بەلێ ئەگەر زانی دێ شەقەکێ خوت یان دێ باجەکێ دەت بلا چەند ئەف باجە یا بجیک ژی بیت دێ د بێده‌نگیێ دا بیت و زمانێ خوه‌ دێ داعویریت..

ئەف نمونا ئەز ژێ دبێژم ب هزارانە و هەر ڕۆژ روی ددەن و روژ ب روژ دسەلمینن ئەم جڤاکەکێ هەتا سەر هەستی نه‌ساخله‌مینن(پاتۆلۆژیك).
دا پتر روهن ببیت میناکا ئەو تولازێ ل چەمچەمال ب دەستێ نێرەکەرەکی هاتیە کوشتن ئێک سەر سوشیال میدیا ژ قارەمان و ئازادیخازا پربو و هەر ئێکی بەرملێ خوه‌ یێ تژی گوتنێت کرێت رژاندنە سەر گاهێت مە و بو سقراتێ زەمانێ خوه‌.

باشه‌ هەی ئازادیخازێ نویخازێ چەلەنگ و مته‌ته‌ور، وه‌ لیست دارشتن و ئیمزاکرن و داخازا بجیھ ئینانا عەدالەتێ کر، بوچی ده‌مێ ل زاخو تولازەکێ غاریغەرەز ب دەستێ کورێ مەسئولەکێ کوردکوژ هاتیە کوشتن تە دەنگ نەدکر و چ لیستە نەدامەزراندن و وەک ڤێ نمونێ ب هزارا هه‌نه‌!
خەلکێ هوسا دووڕوی و ترسنۆک و منافق بتنێ ژبۆ مرنێ باشن..