هەواڵ

ویستیان چی لەشێروان شێروانی بکەن!!

Friday, 07.28.2023, 06:02 PM


ڕۆژنامه‌نووس هێمن مامه‌ند دوو پیلانی مه‌ترسیدار به‌رامبه‌ر ڕۆژنامه‌نووس شێروان شێروانی ئاشكرا ده‌كات
دوای چەند ڕۆژ بەدواداچوون و ھەوڵی زۆر و بەپێی زانیاریەکانم ، دوو پیلانی پێشوەختە هەبووە بۆ درێژکردنەوەی ماوەی سزادانی شێروان شێروانی کە پێکهاتبون لە پیلانی A و B.

ویستی پاراستن و تایبەتر مەسرور بارزانی بۆ درێژکردنەوەی ماوەی سزادانی شێروان شێروانی نوێ نییە و لە ئاسایشی گشتییەوە فشارەکان بەردەوام بوون وە لە چاکسازی گەورانی هەولێریش بەجۆرێکیتر تا کار گەیشتە ئەوەی پەنا ببرێتە بەر شەڕی بایلوجی و تایبەتر بەرامبەر شێروان شێروانی، سەرەتای پیلانەکان دەگەڕێتەوە بۆ نزیکەی ساڵێک پێش ئێستا و لەپیلانی Aدا کە دواتر باس دەکەین چۆن ئەم پیلانە شکستیهێنا لەکاتێکدا شێروان و هاورێکانی لەمانگرتندابوون لەخواردن بۆ داواکاری ئازادبوونی بەمەرج، پیلانەکە سەرەتا لەناو وەحدەیەکی ئیداریەوە دەستیپێکرد و لەکاتێک بانگهێشتکرا لەلایەن یەکەیەکی ئیداریەوە و لەکاتێکدا کە ..... "ناوەکەی پارێزراوە لای ئێمە" هەستا بە پێدانی شەربەتێک بە شێروان دەستبەجێ شێروان هەستی بە تامێکی تاڵ کردبوو و ڕاستەوخۆ دوای گەرانەوەی بۆ ناوقاعەکەی خۆی باری تەندروستی بەتوندی تێکچوو و بۆماوەی چەند  ڕۆژێک چەندین کاریگەری لەسەر بەجێ هێشت ، وەک سەر قورس بوون و چاو زەقبون ومێشک مشخوڵبون تێکچوونی خەوی کە بەنزیکەی ٥٠ کاتژمێر نەیتوانیبو بخەوێت و بەروونی هەستکرابوو کە دەرمانێکی دەرخوارد کراوە دوای پەیوەندیکردن بەدەرەوە و بۆ چەندین دکتۆر و پسپۆر بەڵام روننەبو کەچی دەرخواردراوە وە هەر لەنزیکی ئەو روژانە لە رێگای ئاوی مقطر هەمان تامی تاڵی دوبارە بویەوە ،و دواتر و لە١٨ـ١٠ـ٢٠٢٢ بەپیلانێکی دیکە گوایە هاورێیەکی سکاڵای لەسەرکردووە بەبێ ئەوەی هاورێکەی هیچ سکاڵایەکی هەبێت شێروان بەو بیانوە دەبردرێتە زیندانی تاکەکەسی و بۆجارێکی دیکە لەکاتی هێنانی خواردندا و بە تایبەت لەلایەن حەرەسێک کە ناوەکەی پارێزراوە لای ئێمە ، کە زیاتر کاتێک ئەو حەرەسە خواردنی هێنابوو خواردنەکە تاڵ بوبو ، واتە پیلانەکە لەوکاتەدا بەئەو حەرەسە جێبەجێ کرابوو ، شێروان چەند بارە هەستیکرد هەمان دەرمانی تاڵ کراوەتەوە ناو شلەکە و بە پاسەوانەکەی وتبوو شلەکە تاڵە پاسەوانەکەش وتبوی ناخۆیت بەجەهەنم و هەتا جارێک پاسەوانەکە خۆشی تامیکردبوو وتبووی ڕاستە تاڵە بەهەمان شێوە پێی تێکچوبویەوە، دوای ئەوەی شێروان لەزیندانی تاکەکەسی دەردەهێنرێت و ماوەی سزاکەی تەواوبوبو و برابویەوە قاعە ، دیسانەوە هەست دەکرێت شلەکە دەرمانی تێکراوە و شێروان و ئەو هاورێیانەی لەو قاعەیەن هەموان باری تەندروستیان تێکدەچێت و دوای بڵاوبونەوەی هەواڵی رووداوەکە ، لایەنی بەرپرسی ئیداری نمونەیەک لەشلە تاڵەکە دەبات گوایە پکشنین بکات بەڵام بەئێستاشەوە هیچ نتیجەیەکی نەبووە و کەیسەکە وەک خۆی ماوەتەوە و کارگەشتە ئەوەی شێروان و ئەو زیندانیانەی لەگەڵینی نەتوانن بەبێ حەزەر چا و ئاو شلەش بخۆن و ئەم دەرمان خواردکردنە چەند جارێک و تاماوەیەک پێش اێستاش دووبارە بویەوە ، دواتر و دوای ئەوەی دەرکەوت ئەو تامە تاڵە ماددەی هۆشبەر بووە تاوەکو دواتر لایەنی جێبەجێکاری پیلانەکە هەستێت بە پشکینین و دواتر بە ڕای گشتی بڵێت ئەوە شێروان لە زیندان ماددەی هۆشبەر دەکێشێت و خەریکی ئەو بابەتانەیە ، نەوەک ئازادیخوازێک بێت و .... ، کۆمەڵێک هاورێ دڵسۆزانە هەستان بە گەیاندن و ئاشکراکردنی پیلانەکە تا لای هەموان پیلانەکە ئاشکرا بێت و رونبێت بۆ هەموو لایەک ئەوەی روویداوە پیلانی دەزگای بەدناوی پاراستن بوە و سەرجەمی پرۆسەی پیلانەکە گەیەندرایە دەستی زوربەی ناوەندە جیهانیەکان و هەموان لە پیلانە پێشوەختەکە ئاگادار کرانەوە ، بەمەش پیلانی A شکستی هێنا چونکە پێشوەخت کۆمەڵێک هاورێی دلسۆز وەک لەپێشەوە ئاماژەمان پێکرد ئامادەکارییان کردبوو کە بریاربوە شتێکی وا رووبدات تا پیلانەکە ئاشکرا بوو و رونبوو بۆ هەموو لایەک
🔻پیلانی B
دوای ئەوەی پیلانی A ئاشکرابوو وە لەلایەن ناوەندە جیهانی و کونسوڵخانە و رێکخراوە نێودەوڵەتیەکان ئاگادارکرانەوە لەوەی پارتی خەریکی دروستکردنی چ تۆمەتێکی نا اخلاقی و دور لەهەر بەهایەکی انسانین ، لایەنی جێبەجێکاری پیلانەکە هەستا بەدروستکردنی تەڵەیەکی یاسایی و لەکاتێکدا عریزەی بەکۆمەڵ دەبێ لەلایەن ئیدارەوە وەرنەگرێت و بوترێ دەبێ بکشێننەوە و بەتاک پێشکەشی بکەن چونکە عریزەی بەکۆمەڵ پوچەڵە ، بەڵام لەبەرئەوەی وەک هەمیشە لەکەمین بوون بۆ داتاشینی تۆمەت بۆ شێروان ، عەریزەکە وەرگیراو و لەلایەن توێژەرێکەوە سکاڵاکە بەرزکرایەوە بو داواکاری گشتی و دواتر بە چوار ساڵ سزادرا لەکاتێکدا هیچ کام لەهاورێکانی سکاڵایان لەسەری نەبوو وە رەزامەندبوون بەوەی رویداوە بەڵام بەداخەوە بێ گوێدان بە یاسا و ووتەی شاهید بە فەرمانێکی پێشوەختەی سەرەوە بە چوار ساڵی دیکە سزادرا و بەگرنگم زانی ئەم رونکردنەوەیە بدەم، تا لای هەموان ئاشکرا بێت کە لایەنی جێبەجێکار دەمێکە لە پیلاندایە بۆ شێروان و پیلانەکە لە Aبۆ B گۆڕدراوەو پلانی بی جێبەجێکرا.

ھێمن مامەند
٢٨ی تەمموزی ٢٠٢٣


ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس






وێنە

خۆنەچەمێنن
مسعود بارزانی دوای سەرنەکەوتنی لە رواندنی ددانی دەستکرد
براوەی کۆنگرەی چواردە
ململانێی نێوان بنەماڵەی بارزانی
جاشایەتی ئال بارزانی بۆ ئەردۆغان

راپرسی

ئایا مەسرور بارزانی لەسەر سكاڵاكەی دادگای واشنتۆن دەیدۆڕێنێت؟