جەمال كۆچەر ئەندامی لیژنەی دارایی پەرلەمانی عیراق لە لێدوانێکی ڕۆژنامەوانیدا بە رۆژنامەی “سەباح”ی ڕایگەیاندووە ''پرۆژەیاسای ساڵی داهاتوو دەستگرتنەوەی پێوە دیار دەبێت، هیچ  دامەزراندن و پرۆژەی تێدانابێت”.

سەبارەت بە پرۆژەیاسای بودجەی 2021 دەڵێت  ئەو پڕۆژەیە ''خاڵییە لە چاكسازی ئابوریی و تەنها سزای چینە لاوازەكەی كۆمەڵگەی داوە". " هیچ چاكسازیەكی راستەقینە لەو پرۆژەیەدا  نییە و کاریگەری لەسەر باشکردنی باری ئابوری و گوزەرانی خەڵك ناکات و  باج و لێبڕین دەکاتە ئامێری چارەسەری کێشەکان و  هیچ چارەسەرێكی بنەڕەتی بۆ كێشەكان دیارینەکردووە.